КРЕАТИВНО ПЕЧАТЕЊЕ

Палетата Zoemini од Canon: вашите најдобри придружници на фестивалите

Прочитајте ги нашите најдобри совети за тоа како да уживате во магијата на фестивалот со Zoemini S2 од Canon и Zoemini 2 од Canon.
Две жени во екстравагантна облека снимаат автопортрет со инстант фотоапарат додека седат на влезот од шаторот декориран со разнобојни фестивалски украси.

Од заедничко пеење на главната бина и шумски прошетки до катастрофи со подигање шатори и спријателување со сите на подиумот за играње кога се свири „вашата песна“, фестивалите ви овозможуваат да ја избегнете секојдневната рутина - без разлика дали се тоа рокови на универзитети или канцелариска работа од 9 до 5 часот.

Со толку многу активности што може да се видат и направат, сеќавањето на сите добри моменти отпосле - па дури и за време на фестивалот - може да претставува предизвик, особено по неколку ноќи со многу малку сон. За таа цел е предвидена палетата на Zoemini од Canon. Овие инстант фотоапарати со печатачи и џебни печатачи се лесен, едноставен и брз начин за документирање на вашата фестивалска авантура. Од етикети за шишиња за вода до печатење автопортрети на лице место, тие ви овозможуваат уште повеќе да се забавувате додека сте таму.

Погледнете ги нашите најдобри совети за користење на палетата на Zoemini од Canon за да го подобрите вашето фестивалско доживување.

1. Понесете придружник со џебна големина

Човек облечен во стилот на 70-тите години става инстант фотоапарат со печатач од Canon во џебот на неговите портокалови панталони.

Компактни и преносливи, инстант фотоапаратите и печатачи Zoemini од Canon се совршени придружници на фестивалите. За нив не е потребно мастило, па сè што ви треба е пакување хартија ZINK TM за да можете да печатите.

Без разлика дали го користите Zoemini S2 од Canon со неговиот фотоапарат од 8 MP или Zoemini 2 од Canon впарен преку Bluetooth со вашиот паметен телефон, малата тежина и компактната големина на палетата Zoemini од Canon овозможува едноставно снимање, печатење и споделување слики.

Zoemini S2 од Canon тежи само 188 g и лесно може да го собере во џеб или мал ранец за правење спомени додека сте во движење. Можете да ставите најмногу 10 листови за печатење одеднаш, батеријата трае за приближно 25 фотографии и има отвор за microSD-картичка во случај да ви се потроши хартијата.

Подеднакво минијатурниот Zoemini 2 од Canon има вградена батерија што може целосно да се наполни преку пренослива батерија за само 50 минути преку USB-C. Може и да печати додека се полни.

2. Персонализирајте го вашиот простор

Две жени стојат во шатор. Едната лепи фотографии на разнобојни фестивалски украси, а другата држи инстант фотоапарат со печатач.

Декорирајте ги вашите фестивалски украси со инстант печатење на фотографии што се одлепуваат и лепат со Zoemini 2 од Canon или Zoemini S2 од Canon за да го персонализирате вашиот простор - исто така полесно ќе го најдете вашиот шатор по долгодневната забава.

Раце лепат кружни фотоналепници на бледосино шише за вода.

Кружните налепници се одлични за означување на вашите фестивалски потреби, како шишиња за вода, гумени чизми и столчиња на преклопување. Задните страни на налепниците може да се рециклираат, па затоа не заборавајте да го соберете целото ваше ѓубре и соодветно да го фрлите.

Најдобрите моменти од фестивалот не се секогаш на главната бина - тие често се случуваат со вашите најблиски пријатели во кампот. Зошто да не ги документирате забавните обиди на вашиот пријател да го постави стариот семеен шатор? Можете да бидете креативни и да закачите фотографии помеѓу шаторите за да ја обележите вашата територија или да ги залепите отпечатените фотографии од 2x3 инчи на украсите покрај влезот.

Можете да додавате рамки и филтри во апликацијата Canon Mini Print или да ги декорирате вашите омилени слики со цртежи и текст - а задните страни може лесно да се одлепат и залепат.

Zoemini S2 од Canon и Zoemini 2 од Canon може да печатат на однапред исечената кружна хартија за налепници ZINK 1,3" од Canon, така што можете да ги декорирате шишињата за вода за повеќекратна употреба и другите производи кои мора да ги понесете на фестивал со кружни автопортрети од вас и вашите пријатели. Тоа е одличен начин да запомните што кому припаѓа.

3. Прикажете ја фестивалската мода

Два инстант фотоапарати со печатачи од Canon на ќебе до отпечатени минифотографии, очила за сонце, ленти за коса и јакна со пулејки.

Кога станува збор за фестивалската мода, колку подива, толку подобро. Поставете си предизвик со вашите пријатели за фотографирање на најдобро облечените посетители на забавата. Снимајте и персонализирајте фотографии на мобилниот уред, а потоа печатете со Canon Zoemini 2 кога ќе се вратите во вашиот шатор за да одлучите која облека ќе победи.

Посетителите на забавата вложуваат многу труд за да го усовршат својот фестивалски изглед - разнобојните капи, стилските очила и екстравагантната облека се дел од забавата. Меѓутоа, можете да бидете во недоумица што да облечете пред да го напуштите кампот. Зошто да не побарате од вашиот пријател да ве фотографира со неколку различни облеки кои потоа ќе ги отпечатите со вашиот Zoemini 2 од Canon за да видите која најдобро ви стои?

Или, пак, можете да започнете проект со фотографирање на најдобрите облеки што ќе ги видите во текот на денот, а потоа да ги прикажете вашите отпечатени фотографии на креативни начини.

4. Доловете ја атмосферата

Рака држи паметен телефон што ја покажува апликацијата Canon Mini Print. На масата од страна има инстант печатач од Canon и неколку отпечатени минифотографии.

Забавувајте се истражувајќи ја локацијата на фестивалот за да ги најдете најдобрите заднини за вашите фотографии. Ако времето не се погоди, сепак можете да ги разубавите вашите фотографии со налепници, филтри, рамки и друго во апликацијата Canon Mini Print.

Временскиот период пред изгрејсонце и зајдисонце, кога светлината е најмека и најтопла, во фотографирањето е познат како „златен час“ - и тоа е одлична можност за снимање амбиентални слики. Кога се движите помеѓу шаторите и музичките бини, бидете подготвени за локациите каде што може да снимите интересни фотографии, особено кога ќе почне да се стемнува.

Можете да се обидете да експериментирате и со различните режими на вашиот Zoemini S2 од Canon, вклучувајќи пејзаж без блиц, портрет со автоматски блиц и автопортрет со прстенесто светло.

Zoemini S2 од Canon печати со 314 x 600 dpi, а Zoemini 2 од Canon со 314 x 500 dpi што треба да ги долови вашите креативни слики и да ги нагласи боите.

Ако времето е тмурно и сиво, обидете се да го промените режимот на Zoemini S2 од Canon од живописен во црно-бел режим преку копчето за лесен пристап до филтерот.

5. Бидете креативни со вашите автопортрети

Две жени лежат на ќебе и снимаат автопортрет со инстант фотоапарат со печатач од Canon.

Снимете автопортрет користејќи ги огледалото и прстенестото светло, а претходно проверете како позирате со прегледувањето во живо што го нуди апликацијата Canon Mini Print.

Две насмеани жени држат мали фотоналепници. Едната држи и инстант фотоапарат од Canon, додека другата прикачува отпечатени фотографии на фестивалските украси.

Автопортретот од вас и вашиот пријател додека се обидувате и не успевате да го поставите шаторот? Можеби не ви изгледало смешно тогаш, но ќе ви изгледа смешно кога ќе се присетите подоцна.

Zoemini S2 од Canon е создаден за автопортрети, а фестивалските локации се исполнети со забавни заднини. Убедете го пријателот да ви се придружи на атракција во забавен парк или најдете повисоко место за да снимите фотографија од вас и вашите другари со шаторите и бините зад вас. Има и практично ременче за на зглоб за да не го изгубите кога сте излезени надвор.

6. Споделувајте фотографии со вашите нови пријатели

Раце држат паметен телефон што ја прикажува апликацијата Canon Mini Print, со отпечатени минифотографии расфрлани наоколу.

Внесете реалистичност во вашите слики со интересните опции за менување на стилот од апликацијата Canon Mini Print.

По неколку дена кампување еден до друг, веројатно сте се спријателиле со некои посетители на фестивалот. Зошто да не го споделите вашето фестивалско доживување и да не им подарите на вашите нови другари отпечатен спомен од времето што сте го поминале заедно?

На Zoemini S2 од Canon му треба помалку од една минута да заврши со печатењето и има разнобоен LED-индикатор за да знаете кога се печатат фотографиите.

Кога ќе ја отворите апликацијата Canon Mini Print, не само што можете да изберете слики од вашиот фотоапарат, туку и да пристапите до фотографии од Facebook, Instagram и Google Photos. Исто така, функцијата за фотоапарат на апликацијата ви овозможува да го менувате контрастот, балансот на боите и заситувањето во реално време.

7. Никогаш нема да заборавите ниту еден момент

Колаж од фестивалски фотографии излегува од инстант фотоапарат со печатач од Canon покрај избор на отпечатени материјали и мал албум на преклопување.

Зошто да не создадете албум со спомени од фестивалот за да го споделите со пријателите?

Вашето сеќавање на забавите може брзо да избледи, но можете да го овековечите фестивалскиот дух со изработка на специјален албум што ќе можете да го гледате во иднина или ќе можете да го подарите на некој од вашите пријатели од фестивалот.

Апликацијата Canon Mini Print има паметна алатка за колажи за комбинирање на вашите омилени слики. Можете да изберете од две до осум слики и потоа да ја употребите апликацијата за да го промените распоредот. Има и функција за поплочување за да направите самолеплив постер од четири или девет помали слики.

Затоа, следниот пат кога ќе се спакувате за забавен викенд во поле, не заборавајте да го ставите Zoemini S2 од Canon или Zoemini 2 од Canon во вашиот ранец. Заедно со вашиот шатор и кремот за сончање, тие се новите производи кои мора да ги понесете на фестивал.



Напишано од Jack Fittes

Слични производи

Слични статии