48 часа во Севиља со EOS R10

Ако сакате да видите некоја дестинација за одмор во ново светло, тогаш поставете го вашиот будилник, вели креаторката на содржини за патувања Diana Millos. „Изгрејсонцето ми е омилено време за истражување и фотографирање“, објаснува таа. „Обично нема никој наоколу и светлината е прилично мека. Тој период од денот е помагичен“.

Diana фотографирала изгрејсонце низ целиот свет со нејзиниот EOS 80D од Canon (сега е заменет со новиот EOS 90D од Canon) и EOS 7D Mark II од Canon. Нејзините слики привлекле повеќе од 135.000 следбеници на Instagram и таа посетила различни локации - од далечни дестинации како Индија, Мексико и Виетнам, до градски патувања во Романија, Грузија и Италија.

Меѓутоа, на неодамнешното градско патување во нејзината родна Шпанија, Diana имала нов придружник на патувањето: EOS R10 од Canon. EOS R10 е еден од двата фотоапарати без огледало со сензор APS-C и систем EOS R, покрај EOS R7, започнувајќи нова етапа во работењето на Canon. Импресивната резолуција од 24,2 MP, компактниот дизајн – со тежина од само 429 g – и креативните функции за фотографирање и снимање на EOS R10, го прават идеален за истражувачите кои сакаат да ги раскажат своите приказни на уникатни и иновативни начини.

Diana го користеше EOS R10 за да фотографира сцени од Севиља на 48-часовно патување до главниот град на Андалузија. Фотографирањето архитектура е една од нејзините специјалности и таа посетила некои од историските знаменитости на градот, вклучувајќи ги Плаза де Еспања, Хиралда (камбанаријата на катедралата во Севиља) и Метропол Парасол - една од најголемите дрвени структури во светот.

„Секој ден станував пред изгрејсонце за максимално да ја искористам прекрасната светлина“, открива Diana. „Во февруари беше како лето. Севиља е мошне украсен град и навистина е убав“.

„Го користев EOS R10 во различни ситуации, од фотографирање фламенко танчарки до фотографирање веслачи во реката, и експериментирав со автоматскиот фокус на фотоапаратот, континуираното фотографирање со голема брзина и опциите за видео“.

Освен тоа што Diana првпат ја фотографирала Севиља, ова патување било и нејзина прва можност да користи фотоапарат без огледало. „Прилично лесно ми беше да се навикнам на EOS R10“, вели таа. „Има неколку различни копчиња на горниот дел, но е навистина едноставен за користење“.

Diana била опремена и со два нови објективи со зум RF-S кои се дизајнирани за системот APS-C EOS R и кои нудат фантастичен квалитет на слика. Малиот и релативно дискретен објектив RF-S 18-45mm F4.5-6.3 IS STM од Canon има опсег на фокусна должина од 18-45 mm за најразлични сценарија за патување, додека повеќенаменскиот RF-S 18-150mm F3.5-6.3 IS STM нуди одлични можности за фотографирање одблиску, како и телефото опсег и голем зум со фокусен опсег од 18-150 mm. Двата објектива имаат и стабилизација на слика.

Првата станица на обиколката на Diana била Плаза де Еспања, позната знаменитост на која може да се видат различни архитектонски стилови. „Тоа е мешавина од арапското наследство што го имаме во Шпанија и ибериската архитектура“, вели Diana. „Луѓето кои ме следат на социјалните мрежи ќе знаат дека мојата типична фотографија е широкоаголна слика од градба со мене пред неа, така што го користев објективот RF-S 18-45mm F4.5-6.3 IS STM прикачен на EOS R10, но го користев и RF-S 18-150mm F3.5-6.3 IS STM за да снимам слики одблиску од прекрасните плочки на плоштадот“.

Diana потоа го насочила своето внимание кон доловување на возбудливоста и движењето на фламенко танчарките. Овде, таа ја искористила предноста на напредниот автоматски фокус на EOS R10 што користи AF со откривање на очи за следење на луѓето со поголема прецизност, како и брзото континуирано фотографирање со 15 слики во секунда (fps) на фотоапаратот со помош на механичката бленда на фотоапаратот¹.

„Иако танчарките постојано се вртеа и се движеа наоколу, фотоапаратот остана фокусиран на нив, дури и при брзо фотографирање на серија фотографии, што беше навистина неверојатно“, вели Diana. „За некои слики користев релативно мала брзина на блендата што малку ги замати аглите на фустаните на девојките, така што ќе добиете чувство за движењето на танчарките. Ми се допаѓа тоа што сите елементи остануваат фокусирани и колку остро изгледаат фотографиите“.

Diana вели дека електронскиот визир (EVF) е предност кога треба да провери дали нејзините слики се остри. „Можете да ги видите функциите за откривање лица и очи како работат на визирот и тоа е многу корисно бидејќи може да видите што точно е во фокус“.

EVF е корисен и кога фотографирате во светли, сончеви денови бидејќи ви овозможува да ја проверите експозицијата и да направите прилагодувања пред да го притиснете копчето за блендата. Можноста да се видат ефектите од поставките на фотоапаратот е особено корисно за помалку искусните фотографи бидејќи овозможува поинтуитивно фотографирање.

Покрај препознатливата архитектура, фотографиите од локалната кујна се суштинска состојка во патописите на Diana. „Обожавам да работам со бои, а често боите на местата што ги посетувам се поврзани со храната“, вели таа. „Храната е дел од културата и важно е да ја фотографирате кога сакате да ја доловите суштината на некое место“.

Diana го користела EOS R10 за одблиску да ја долови храната во тапас-бар и на локален пазар. „Сакав да ги фотографирам разнобојните состојки и текстурите“, вели таа, „па ја користев функцијата за макро со централен фокус на RF-S 18-150mm F3.5-6.3 IS STM“.

Експериментирањето со користење на рачен фокус и макро ѝ овозможи на Diana да се доближи уште повеќе до субјектите – фокусната должина од 35 mm нуди максимално зголемување од 0,59x – за да може да го долови секој детаљ.

Diana ги испробала и функциите на фотоапаратот за фокусирање со групирање и за одредување на длабочината. „Не сум ги користела овие функции претходно и беше навистина интересно што можам да снимам серија слики со едно притиснување на копчето за блендата, а потоа да ги видам комбинирани во една слика со сите елементи во фокус. Фотоапаратот ги зачува и сите поединечни фотографии на кои беа фокусирани различни делови од кадарот. Ја обожавам таа функција“.

На вториот ден од престојот во градот, Diana се упатила кон Метропол Парасол, познат и како „Печурки на инкарнацијата“. „Има неверојатни глетки во Севиља и можете да ги доловите сите покриви и згради во далечината“, вели таа. Модерната дрвена структура претставува контраст на традиционалната архитектура и Diana знаела дека ќе и овозможи да сними мошне интересни слики.

За да се прикаже себеси на сликата, Diana обично користи мал статив за потпора на фотоапаратот, а за ова патување го користела извонредно преносливиот статив со држач HG-100TBR од Canon. „Тоа е краток статив, така што EOS R10 беше прилично блиску до земјата, но екранот на допир со променлив агол ми овозможи лесно да ја гледам сликата, исто како со мојот EOS 80D“, вели таа.

Најдобрите фотоапарати за патувања треба да бидат хибридни уреди што нудат врвни перформанси, а EOS R10 не е исклучок. Опремен со моќни функции за видео, овој фотоапарат може да снима подолго од стандардното временско ограничување од 30 минути, што ви овозможува да ги снимате спомените од патувањата во остри 4K-видеозаписи со 60p, 4K со 30p со прекумерно семплирање на видеозаписите со 6K-резолуција и висококвалитетно снимање во Full HD и што го прави еден од најдобрите фотоапарати за снимање видеоблогови во серијата на Canon.

Функцијата за 4K UHD-видео со голема брзина од 60/50 fps на фотоапаратот е идеална за снимање видеозаписи со брзи движења и остри детали и Diana ги искористила овие можности за видео додека ги снимала веслачите во реката. Сликата е отсечена² кога фотографирате со оваа поголема брзина, што може да биде предност кога снимате далечни објекти кои сакате да изгледаат поголеми во кадарот.

Снимањето со висока стапка на слики е поддржано кога EOS R10 е поставен на Full HD-видео, овозможувајќи снимање на неверојатно рамномерни видеозаписи со забавени движења со 120/100 fps. „Во едно видео ги следев веслачите и успеав да доловам и семејство патки во кадарот“, вели Diana. „Кога ќе го видите со забавени движења, видеото е мошне интересно“.

Од раскошот на историската архитектура и разиграните фламенко танчарки до разнобојната храна фотографирана одблиску, EOS R10 од Canon им овозможува на креаторите на содржини уште поголема слобода да го истражуваат светот на нов и креативен начин. Овој фотоапарат ги нуди сите придобивки на фотоапаратите со системот EOS R од Canon, а сепак ќе биде познат предлог за видеоблогерите и блогерите како Diana кои се навикнати да снимаат со DSLR и сакаат компактен и брз фотоапарат со пристапна цена. „Тоа најмногу ми се допаѓа кај овој фотоапарат“, додава Diana. „Тој е мал и лесен, но сепак многу моќен“.

Напишано од Marcus Hawkins