Најдобри објективи за Canon EOS R100: надградби при достапна цена за надежни фотографи

Canon EOS R100 не само што е лесен за користење, туку е и еден од најекономичните начини да зачекорите во светот на моќниот EOS R-систем без огледало од Canon. Стандардниот објектив испорачан со фотоапаратот е одлична појдовна точка за да ги научите основите и да ви помогне да разберете како зумот, светлината и композицијата работат заедно за да создадат различни видови слики и ефекти.

Меѓутоа, можеби сте подготвени да се надградите. Управникот со производство во Canon Europe, Mark Kendrick, објаснува: „Стандарден објектив ви помага да дознаете што сакате да снимате, но кога започнувате да размислувате покреативно и сакате да се предизвикате, тогаш дополнителен објектив многу помага“.

Откако ќе ги совладате основите со EOS R100, додавањето втор објектив е најлесниот начин веднаш да видите подобрување во вашите фотографии. Тоа го отклучува целосниот потенцијал на APS-C-сензорот на фотоапаратот, што ви овозможува да истражувате креативни ефекти како што се меко заматени заднини, пространи пејзажи или движења во далечина.

Следат четири објективи RF и RF-S од Canon со достапна цена кои ќе ви помогнат да добиете повеќе од вашиот EOS R100.

Компактен, достапен и прекрасно остар, RF 50mm F1.8 STM е најчесто првата надградба за сите што се подготвени да го надминат стандардниот објектив. Светлата решетка f/1,8 пропушта повеќе светлина, со што е совршена за портрети во затворена просторија и при слаба осветленост, снимање при помали брзини на блендата и создава меко заматена заднина.

Затоа е толку популарен избор меѓу почетници кои сакаат фотографиите да им се истакнуваат без да потрошат премногу пари. Mark објаснува дека „овозможува многу повеќе креативни опции. Тоа е многу популарна фокусна должина за портрети и дури и ако ја отсечете во снимка од глава, пак ќе добиете остар и професионален изглед“.

Освен за снимање портрети, RF 50mm F1.8 STM е одличен и за храна, миленичиња и фотографирање мртва природа, што им дава на вашите слики филмска длабочина со кои оживуваат.

Ако сакате да снимате сцени од патувања, градски пејзажи или ентериери, тогаш RF-S 10–18mm F4.5-6.3 IS STM е објективот за вас. Лесен и економичен, испорачува пространо видно поле кое собира сѐ. Можете да снимате огромни катедрали, динамични пазари или широки групни снимки од целото семејство со природна перспектива и извонредна острина.

За многу корисници на EOS R100, овој објектив отклучи целосно нов начин за гледање на светот. „RF-S 10–18mm F4.5-6.3 IS STM ви дава целосно поинаква перспектива на нештата“, вели Mark. „Ви овозможува да снимате многу повеќе, а вклучува и половичен макро режим со кој можете да се приближите за да ги снимите ситните детали во субјектите како цвеќиња или храна“.

Дополнително, вградената стабилизација на слика (IS) ви ги одржува снимките стабилни кога снимате рачно, со што е идеален за патувања и спонтано улично фотографирање.

Можно е да сте го добиле овој објектив заедно со вашиот EOS R100, а додека многу фотографи евентуално додаваат и други објективи, RF-S 18–45mm F4.5–6.3 IS STM останува да биде извонредно разновиден избор што ќе го користите цело време. Покрива сѐ, од широките пејзажи до неформалните портрети, поради што е идеален сеопфатен објектив за секојдневно снимање.

Наместо да го заменат, вашите идни објективи ќе го надополнат, со што вие ќе добиете поголем дострел, пошироки агли или помала длабочина на поле кога и да ви се потребни. Специфично дизајниран за фотоапарати APS-C како EOS R100, како и поради вградената стабилизација на слика, RF-S 18–45mm F4.5–6.3 IS STM испорачува остри и сигурни резултати спакувани во куќиште со мала тежина кое е во совршена хармонија со фотоапаратот.

Ако сѐ уште го барате својот стил на фотографирање, овој објектив ви е најфлексибилен придружник за семејни настани на отворено, празници и секојдневна креативност.

За далечни субјекти, како при спортски настани, диви животни, патувања или училишни настани, RF 75–300mm F4-5.6 ви овозможува да го исполните кадарот со детали од далеку, снимајќи јасни и остри слики низ целиот опсег. Тоа е идеалниот „следен чекор“ за сопственици на EOS R100 кои сакаат да ги фотографираат субјектите до кои не можат да се приближат.

„Ако веќе имате RF-S 18–45mm F4.5–6.3 IS STM - тоа е стандардниот објектив за EOS R100 - тогаш RF 75–300mm F4-5.6 го додава најголемиот чекор нанапред во тоа што можете да го снимите со само еден дополнителен објектив“, вели Mark. „Навистина ви го проширува креативниот потенцијал, особено за далечните субјекти“.

Исто така, претставува еден од најекономичните начини да навлезете во телефото фотографирање, поради што е идеален за корисници на EOS R100 кои сакаат да експериментираат со телефото зум за прв пат.

Долгиот дострел на објективот го прави совршен за снимање на детски спортски натпревари или диви животни при силна дневна светлина кога не можете физички да се приближите до случувањата. Дури и без стабилизација на слика, има одлични перформанси при добра осветленост и отвора целосно нов свет на креативно обликување на кадарот и композиција од далеку.

Фотографирањето не е поврзано само со тоа што го гледате; суштината е да го доловите тоа што го чувствувате. Со помош на соодветниот објектив, EOS R100 може да ги преобрази секојдневните моменти во нешто што навистина вреди да се запомни. Без оглед дали станува збор за ефектот на дефокусирање на светкањето на градските светла снимени со широкоаголен објектив, изразот на лицето на вашето дете преку објектив од 50 mm или птица в лет снимена со телефото објектив, секој објектив ви дава нов начин да ја раскажете вашата приказна.

„Вложување во втор објектив е подобра инвестиција од надградување на куќиштето на фотоапаратот ако во тој момент имате само еден објектив“, вели Mark. Тоа е мал чекор што може да го смени начинот на кој го гледате светот, како и начинот на кој го доловувате.

Сè што треба да знаете за избирање објективи
Откријте објективи со кои ќе се приближите
Објективи за снимање повеќе детали
Објективи за поостри портрети
Откријте објективи од Canon и пронајдете го совршениот производ


Напишано од Jeff Meyer