Најдобри надградби на стандардни објективи: кој зум за целосна слика треба да го изберете?

Стандардните објективи од Canon – објективите кои рутински доаѓаат во комплет со фотоапарат кога ќе го купите, како што се Canon RF 24-105mm F4-7.1 IS STM и RF 24-50mm F4.5-6.3 IS STM – обезбедуваат опсег на фокусна должина за одличен почеток во креативното фотографирање. Компактни, лесни и повеќенаменски, овие објективи со зум ви овозможуваат да доловите сѐ, од портрети и семејни прилики до пејзажи, архитектура и детали одблиску.

Но, што ако сакате да пробате нешто подобро од стандардниот објектив? Што ако сакате да истражите специфичен вид на фотографирање, да бидете креативни со длабочината на полето или да фотографирате при слаба осветленост – придобивки од користење објектив со побрза решетка – или едноставно сакате да ставите повеќе нешта во кадарот или да привлечете пооддалечени предмети во видното поле?

Надградбата кон нов објектив со зум може да ги усоврши вашите вештини како фотограф, но можете да се изгубите во достапните избори. Кои карактеристики треба да ги барате кога сте подготвени да купите нов објектив за вашиот фотоапарат? Кој објектив треба да го купите по користење на стандардниот?

Имајте предвид дека (освен за неколку специјализирани објекти како што е Canon RF 5.2mm F2.8L DUAL FISHEYE, за кој е потребен одреден фотоапарат) сите објективи RF може да се користат со секој фотоапарат со EOS R-систем. Меѓутоа, ако имате фотоапарат со APS-C-сензор, како што е EOS R7 или EOS R10, тогаш ефикасната фокусна должина на објективот ќе се зголеми за фактор од 1,6x. Дознајте повеќе за фотоапаратите со APS-C-сензор и множителот на фокусната должина.

Првото нешто што треба да го земете предвид е фокусната должина. Дали сакате нешто со кое ќе можете да гледате малку пошироко, да доловите поголем дел од пејзаж, или пак подолго, за да можете да снимате диви животни или други пооддалечени субјекти?

Максималната или најголемата решетка е уште една важна карактеристика. Таа контролира колку светлина се пропушта во фотоапаратот, а поголемите решетки (помали f-броеви) нудат подобар квалитет на слика кога фотографирате при слаба осветленост. Дополнително, големината на решетката влијае и врз длабочината на полето – т.е., колкав дел од сликата делува како да е во остар фокус. Објектив со голема максимална решетка, како f/2,8, ќе ви олесни да постигнете помала длабочина на полето, заматувајќи ги деталите во преден план и заднина кои би можеле да му го одвлечат вниманието на гледачот.

Со големи решетки можете и да користите пократки експозиции (поголеми брзини на блендата) за да ги замрзнете движењата. Имајте предвид дека некои објективи со зум имаат променлива максимална решетка, како RF 24-240mm F4-6.3 IS USM – што значи дека нуди f/4 при крајот од опсегот на зумирање од 24 mm и максималната решетка се намалува како што објективот зумира, со f/6,3 при крајот од 240 mm.

Ако користите фотоапарат што нема вградена стабилизација на слика (IBIS), објектив со моќна оптичка стабилизација на слика ќе ви помогне да доловите поостри слики и порамномерни видеоснимки кога снимате рачно. (Ако вашиот фотоапарат има IBIS, ова функционира во комбинација со оптичката стабилизација на слика во објектив за уште поголема стабилизација, поради што вреди да се размисли за објектив со IS.)

Ако уживате да го користите вашиот фотоапарат на диви и сурови локации, објектив со степен на заштита од лоши временски услови ќе ве направи да се чувствувате безбедно. Ако многу патувате и по цел ден го носите фотоапаратот, најверојатно ви треба релативно мал и лесен објектив.

За да го изберете вашиот следен објектив што најмногу ќе го користите, следи листа со препораки со опсег на фокусна должина од 15 mm до 240 mm. Mark Kendrick, специјалист за маркетинг за производи во Canon Europe, нуди увиди во тоа зошто секој објектив е одлична опција.

Оваа надградба на стандарден објектив е опремена со голем број функции кои нудат нови креативни можности. За почеток, има максимална решетка f/2,8 која останува доследна низ целиот опсег на зумирање. Во комбинација со стабилизацијата на слика со 5,5 чекори на објективот, светлата решетка го прави RF 28-70mm F2.8 IS STM извонреден избор за креативно фотографирање и фотографирање при слаба осветленост – без оглед на тоа дали надвор фотографирате портрети или пејзажи при „синиот час“.

„Иако не ја постигнува истата ширина како RF 24-50mm F4.5-6.3 IS STM или RF 24-105mm F4-7.1 IS STM, овој објектив ви овозможува навистина да ја искористите малата длабочина на поле што ја нуди f/2,8“, вели Mark. „Доколку го користите овој објектив со избрани 70 mm, ќе можете да снимате прекрасни портрети кои се многу остри каде што треба да бидат, но и заматувањето на заднината ќе има убав квалитет“.

Овој објектив е практичен и за надворешни услови, со компактен и лесен дизајн со отпорност на лоши временски услови кој вклучува гумени заптивки околу комбинираниот прстен за контрола/фокусирање, прстенот за зумирање и приклучок за RF-објективи. Поради моќната стабилизација на слика на RF 28-70mm F2.8 IS STM, не мора да носите статив за да постигнете остри и стабилни слики.

Ако сакате да се надградите кон вашиот прв објектив од серијата L од Canon и сакате објектив со зум кој ќе ви обезбеди опсег од фокусни должини за секојдневно фотографирање и снимање видео, тогаш RF 24-105mm F4L IS USM е многу практичен избор.

Има слична големина и тежина како и RF 28-70mm F2.8 IS STM, поради што изборот на крај зависи од тоа дали ви треба побрза решетка f/2,8 или подолг зум со квалитет на изработка како серијата L.

RF 24-105mm F4L IS USM се одликува со конструкција што е отпорна на прав и вода, заедно со слоеви од флуор на предните и задните елементи на објективот кои штитат од прав и го олеснуваат чистењето на објективот. Стабилизацијата на слика со 5 чекори ги намалува ефектите од тресење на фотоапаратот, а наменските прстени за контрола, фокусирање и зумирање овозможуваат брзи и прецизни рачни прилагодувања.

„Ова е објектив кој ќе можете да го користите доверливо секој ден, многу долго време“, вели Mark. „Нуди поширок опсег на фокусна должина од RF 28-70mm F2.8 IS STM, така што, ако сакате објектив кој може да се справи со секој субјект, да долови поширок агол и да зумира малку подалеку, ова е објективот што ви треба“.

Извонреден зум како тој од 10x на RF 24-240mm F4-6.3 IS USM ви нуди флексибилност за беспрекорно префрлување од фотографирање широкоаголни пејзажи до слики одблиску од диви животни без да морате да го промените објективот. Со комбинацијата од RF 24-240mm F4-6.3 IS USM и фотоапарат со EOS R-систем за целосна слика ќе имате слобода да фотографирате спонтано и да реагирате побрзо.

Mark вели дека овој објектив е многу практичен за патувања. „Тежи само 750 g и, кога е вовлечен, должината му е малку поголема од 12 cm. Затоа, лесен е за носење, а стабилизацијата на слика со 5 чекори значи дека можете да останете подвижни, а сепак да постигнувате остри рачно снимени фотографии. Опремен е со брз и речиси бесшумен мотор за фокусирање Nano USM, кој обично е карактеристика само на објективи од врвна класа или професионални објективи од серијата L“.

Ако се надградувате до RF 24-240mm F4-6.3 IS USM од стандарден објектив како што е RF 24-50mm F4.5-6.3 IS STM, големиот број достапни фокусни должини многу ќе ви ги прошират креативните хоризонти. Не се одликува со брзата максимална решетка на RF 28-70mm F2.8 IS STM или професионалната изградба на RF 24-105mm F4L IS USM, но огромната разновидност надоместува за тоа.

Стандарден објектив ви нуди многу различни опции за обликување на кадар кога станува збор за фотографирање пејзажи и градски сцени, што ви овозможува да одзумирате за да доловите широк приказ, а потоа малку да зумирате за да изолирате интересни функции во сцената. Ако ви се допаѓаат широкоаголни прикази, тогаш извонредно широкоаголниот објектив за целосна слика RF 16-28MM F2.8 IS STM ќе претставува добра замена за стандарден објектив со зум.

„Луѓето кои сакаат да го доловат раскошот на некоја локација, како пејзаж или градска сцена, најчесто го користат овој објектив“, вели Mark, „но и извонредно широкоаголното видно поле ја надополнува архитектурата, ентериерите и рачно снимените видеоблогови. Поради непроменливата максимална решетка f/2,8 низ опсегот на зумирање, овој објектив е одличен за фотографирање при слаба осветленост, како и за астрофотографирање“.

16-28MM F2.8 IS STM има сличен дизајн како и RF 28-70mm F2.8 IS STM, заедно со стабилизација на слика со 5,5 чекори, решетка со 9 сечила, комбиниран прстен за контрола/фокусирање и изградба со отпорност на лоши временски услови. И квалитетот на сликата е многу висок, споредлив со објективи од серијата L, поради што RF 16-28MM F2.8 IS STM е еден од најдобрите објективи со извонредно широкоаголен зум на пазарот.

За да ги одржи малите димензии – тежина од само 445 g и должина од 9 cm кога е вовлечен – секое широкоаголно изобличување се коригира со обработка на слика во самиот фотоапарат наместо оптички во објективот. „Фотоапаратите со EOS R-систем можат да ја обработат сликата и да ја коригираат во реално време", објаснува Mark. „Ако сѐ мораше да се врши оптички, тогаш елементите на објективот би морале да бидат поголеми, поради што целиот објектив би бил поголем и поскап.

„Со користење на моќта на EOS R-системот, Canon може да дизајнира покомпактни, полесни и подостапни објективи со квалитет на слика од нова генерација“.

RF 15-30mm F4.5-6.3 IS STM е поекономична извонредно широкоаголна замена за стандарден објектив. Има сличен опсег на фокусна должина како и RF 16-28MM F2.8 IS STM, но може да оди подалеку и пошироко. Секој милиметар фокусна должина прави разлика кога станува збор за широкоаголни фотографии и видеозаписи – зачудувачки, 15 mm доловуваат многу повеќе од 16 mm.

RF 15-30mm F4.5-6.3 IS STM не се одликува со истата изградба со отпорност на лоши временски услови како и RF 16-28MM F2.8 IS STM, но, нуди идентична стабилизација на слика со 5,5 чекори и може да снима фотографии при помали растојанија – дури до 12,8 cm во режим на рачно фокусирање, што ви овозможува да прикажете мал субјект во многу детали, а притоа сѐ уште да ставите голем дел од сцената во кадарот.

„Има побавна решетка во споредба со RF 16-28MM F2.8 IS STM, што значи дека не е толку добар за фотографирање при слаба осветленост, или за истражување покреативни ефекти за длабочина на поле“, додава Mark. „Но, силната страна на RF 15-30mm F4.5-6.3 IS STM е тоа е дека е поширок, помал и полесен за повеќе од 50 g. Ако барате извонредно широкоаголен објектив со зум што навистина го собира во џеб, овој е најсоодветниот за вас“.

Ако ви треба помош при избирање објектив, практичната алатка за пребарување објективи од Canon ги приспособува препораките врз основа на вашиот фотоапарат, жанрот во кој сакате да фотографирате, како и функциите кои ви се најважни. Ако размислувате за одреден жанр, дознајте како максимално можете да ја искористите вашата опрема за фотографирање портрети, фотографирање пејзажи, фотографирање движења и спорт, како и фотографирање диви животни.


Напишано од Marcus Hawkins