7 дена и 7 креативни начини да го развиете стилот

Развивањето на креативноста е клучно за подобра фотографија. Експериментирањето со стилот и нови техники може да ви донесе храбри, а неретко и неочекувани резултати. Kym Moseley често експериментира со разни идеи коишто ги споделува со своите многубројни следбеници на TikTok.

Неодамна Kym ги помести границите на својата креативност така што секој ден од неделата си поставуваше различен предизвик во фотографирање, а притоа го документираше и во форма на водич на TikTok. Тука Kym ги споделува седумте техники коишто ги користел во предизвикот и го открива креативниот мисловен процес зад секоја од прекрасните крајни фотографии.

Велат дека фотоапаратот не лаже, но апликациите за уредување можат да ја затскријат вистината. „Особено ме инспирира надреализмот на Салвадор Дали, па сакав да создадам нешто слично“, вели Kym за неверојатната слика на почетокот од оваа страница. „Немав јасна идеја што сакам да постигнам, па решив да снимам едноставен автопортрет.“ Апликацијата Canon Camera Connect е одлична за оваа намена, особено бидејќи можете автоматски да се фокусирате додека стоите пред фотоапаратот, наместо да претпоставувате каде е фокусот.

„За мене очите се клучни при снимањето портрети“, продолжува Kym. „Освен што се секогаш во фокусот, ја раскажуваат и приказната на сликата.“ Нема ништо полошо од лажна насмевка во портрет и знам да препознаам кога очите не се смеат. За да снимам целосно поинаква фотографија, решив целосно да ги исклучам очите од фотографијата и со тоа ги отстранив и знаците на индивидуалноста и личноста. Растегнав дел од лицето во фазата на уредување и фотографијата се трансформираше во портрет којшто може да биде сечиј. Мислам дека сликата навистина ги исполнува критериумите за надреално дело.“

„Претежно снимам портрети и луѓе, но добро е да се експериментира и со друга содржина“, вели Kym. Не користи објектив со исклучително широк агол како RF 16mm F2.8 STM или EF-S 10-18mm f/4.5-5.6 IS STM од Canon при снимањето портрети, но му се допаѓа динамичната перспектива што овие објективи ја внесуваат во градските сцени како онаа прикажана погоре. „Не сакав да снимам типични фотографии од згради, па за оваа фотографија решив да снимам од перспектива директно нагоре“, вели тој.

Kym го користи EOS R6 од Canon, а со него можат да се користат и објективите EF или EF-S со помош на адаптерот за монтирање објективи EF-EOS R од Canon.

„Многу ми се допадна што со перспективата одгоре-надолу облакодерите изгледаат како да се навалуваат едни кон други, но ми недостигаше нешто во средина на небото, како птица или авион. Бидејќи не се појавија, исеков птица од позадината на стара фотографија и ја залепив точно каде што сакав.“

„Ми се допаѓаат темни портрети со филмски и старомоден изглед типичен за филмските кадри“, вели Kym за инспирацијата зад извонредните резултати постигнати со третата техника. „Сакав целата слика да биде темна, а само еден дел да биде драматично осветлен. За да го постигнам тој ефект, внесов малку светлина во позадината со помош на LED-светилка. Потоа го приклучив телефонот на проекторот и го напишав кинескиот симбол за „љубов“ на него, а зборот се проектираше на моето лице.

Речиси секогаш го користам режимот за рачна експозиција за да го постигнам ефектот што го сакам, особено кога снимам темни фотографии“, вели Kym. „Неодамна го заменив EOS 6D Mark II со EOS R6 од Canon и како и сите фотоапарати без огледало од Canon, од голема помош ми е што можам да ги следам во живо нивоата на експозиција и балансот на бела боја преку визирот. Експериментирав со боите на LED-светлото и кинеските букви на телефонот додека да го постигнам балансот што го сакам, односно сината позадина и црвената нијанса на буквите.“

Kym најчесто снима портрети со мала длабочина на поле за да го истакне субјектот од заматената позадина. Ова го постигнува со помош на решетка со голема брзина, поради што RF 50mm F1.8 STM од Canon и EF 50mm f/1.8 STM се идеалните економични опции.

„Сите сакаат сончеви и светли фотографии, а јас сакам да експериментирам со сенки и силуети“, вели Kym. За сцената со силуети на две раце и цвеќе на сив ѕид целта му била да сними едноставна и драматична слика. „Често се инспирирам од слики што ги гледам во филмови, на телевизија или на платформи како TikTok и Instagram. На оваа слика некој става цвеќе во нечија рака. Мислам дека доловува моќна сцена со емотивен ефект.“

Kym вели: „Сликата ја снимив внатре, со насочување на фотоапаратот кон прозорецот и користење на отприлика еден чекор прекумерна експозиција за да ги отстранам деталите од светлата позадина. Снимив две слики, најпрво од едната рака, а потоа и од другата. Всушност, рацете се мои, а ја користев апликацијата Canon Camera Connect за да ги контролирам сите поставки и да ги прегледувам сликите на телефонот од далечина. Накрај, ги споив двете фотографии во апликација за уредување за да ја создадам комбинираната слика.“

„Многу ми се допаѓа што голем дел од фотоапаратите од Canon имаат екран со променлив агол. Можете да ги користите за снимање фотографии од необични агли, на пример да го држите фотоапаратот многу високо или многу ниско“, вели Kym. За сликата од скејтер во темен паркинг, фотоапаратот го поставил наземи, со што постигнал интересна перспектива. „Го зголемив и намалив телото на скејтерот точно како што сакав, па така стапалото коешто му е најблиску до објективот изгледа огромно, а телото му се намалува во позадината“, објаснува тој. „Ако ја снимев сликата од вообичаената висина во линија на окото, немаше да го постигнам истиот моќен ефект.“

„За успешноста на фотографијата придонесе и големата брзина од 20 слики во секунда на мојот фотоапарат EOS R6 од Canon“, продолжува Kym. „Снимив брза серија слики за да бидам сигурен дека сум го снимил моментот што го сакав. Независно каков фотоапарат користите, овој тип на слики снимајте ги со најголемата достапна брзина.“

Не ви треба сафари за да снимите извонредни слики од диви животни, туку само да излезете во дворот, или во случајот на Kym, да појдете до блискиот парк. „Отсекогаш ме инспирирале фотографии од гулаби што одлетуваат и луѓе што држат егзотични птици во рацете“, вели ѕвездата на TikTok за својата фотографија од гулаб што одлетува по хранење. Во оваа слика решив да ги искомбинирам двете сцени.

„Во паркот има кафуле коешто продава кесички со храна за патките, но може да ги искористите и за да намамите гулаби. Во едната рака го држев фотоапаратот, а во другата го намамив гулабот. Користев брзина на блендата од 1/1600 од секундата за да го замрзнам движењето кога гулабот одлета.“

„Уште една фотографија е инспирирана од нечие дело“, вели Kym за последната фантастична фотографија. „Бидејќи двојната експозиција секогаш привлекува внимание, сакав да создадам слика на којашто левото и десното око точно се преклопуваат во две посебни фотографии“, вели тој. „Се обидував неколкупати бидејќи зениците на очите требаше да се постават доста прецизно.“

„Многу ми помогна режимот за повеќе експозиции на мојот фотоапарат EOS R6 од Canon“, продолжува Kym. „Откако ќе ја снимите првата фотографија, таа се прикажува на визирот или на екранот на задната страна како секундарна слика којашто можете да ја искористите за прецизно поставување при снимањето на втората слика.“

Без разлика дали ќе си го зададете еднонеделниот предизвик на Kym и ќе користите нова техника секој ден или, пак, ќе експериментирате со ваше темпо, проширувањето на личните граници како фотограф ќе ве исполни со голема радост и задоволство. Не заборавајте да ги споделите резултатите на хаштагот #FreeYourStory со означување на @canonemea.



Напишано од Matthew Richards