6 начини да ја разбудите креативноста со печатачот PIXMA

Мислите дека вашиот семеен печатач може да печати само документи и фотографии? Грешите. Откријте цел нов свет на креативни идеи коишто ќе оживеат пред вашите очи со помош на печатачот PIXMA од Canon – од домашни книги со рецепти и интересни дизајни за вашите уреди, до персонализирана облека и „страшни“ украси за Ноќта на вештерките.

За уметницата и изработувач на модели од хартија Aimee Graham, којашто одржува работилници за цвеќе од хартија и оригами, печатените материјали се извор на безброј можности. „Производите од хартија се медиум со којшто работам со години и којшто ми овозможува креативна платформа да создадам нешто од ништо“, вели таа. „Бидејќи ви нуди многу различни опции, можете да го користите за создавање не само за дводимензионална, туку и за тродимензионална уметност. Идејата да се создаде нешто од ништо може да им изгледа тешко изводлива на луѓето што не се многу креативни. Во случајов, печатениот материјал овозможува добра почетна точка.“

Aimee исто така верува дека печатењето и изработката на модели ни помага да ја ослободиме внатрешната креативност, што е одличен начин за зближување на семејствата. „Секој има креативна страна бидејќи сите сме биле креативни како деца“, вели таа. „Со текот на времето и поради животните обврски што ги имаме како возрасни, таа исчезнува, па можноста да ја разбудиме ни овозможува повторно да се забавуваме и ни ја враќа рамнотежата. Мислам дека ова е особено важно за семејствата бидејќи ги зближува. Ги зближува родителите со децата, но и возрасните со своето внатрешно дете, што е прекрасно.“

Во продолжение го споделуваме нашиот избор на креативни идеи што можете да ги изработите со вашиот печатач PIXMA во пресрет на Меѓународниот ден на печатениот медиум којшто се одбележува на 20 октомври 2021.

Aimee, којашто споделува упатства за изработка на оригами на нејзиниот профил на Instagram, создаде уметничка ракотворба со 3D-пеперутки со помош на печатачот од серијата PIXMA TS5350a од Canon и според неа, печатењето сопствени домашни декорации може да делува благотворно. „Мислам дека изработката на хартиени модели е начин на создавање здрава навика за себе“, вели таа. „Некои луѓе медитираат, други вежбаат јога. Јас го правам и едното и другото, но сега ја вклучив и креативноста во моите ритуали за одржување на менталното здравје.“

Aimee презеде и отпечати ѕидни 3D-налепници од Creative Park од Canon како дел од нејзиниот дизајн со пеперутки којшто го прикажа во стаклена тегла. На веб-страницата бесплатно можете да преземете и многу други симпатични инсекти, како бубамари, бумбарчиња и вилини коњчиња, коишто потоа можете да ги отпечатите, исечете, превиткате и да ги обликувате во 3D-играчки и украси.

За изработка на елегантната рамка со пеперутки, Aimee отпечати шаблони коишто самата ги пронајде на интернет, а потоа ги обои крилјата со водени бои и фломастери, инспирирана од налепниците од Creative Park. Боењето е фазата во којашто проектите оживуваат.

„Не е важно дали користите водени бои, фломастери или дрвени боички бидејќи можете да ги комбинирате или да ги користите одделно. Боењето е најзабавниот дел.“

Игрите коишто можете заедно рачно да ги составите, а потоа заедно и да ги играте, се многу забавни, а идеи за лесни и економични идеи игри ќе најдете на Creative Park од Canon.

Блогерката Fariba Soetan и нејзиното семејство го претворија својот дом во свет на спортот. „Одбравме игри со фудбал и кошарка бидејќи ни се видоа многу интересни, а според нивото на тежина ми изгледаше и дека ќе можеме да ги составиме уште при првиот обид.“

Изберете го омилениот дизајн и отпечатете го директно на домашниот печатач за да го составите пред главниот настан преку апликацијата Creative Park или, пак, преземете го од веб-страницата Creative Park директно на вашиот компјутер.

На вашиот тим креативци им се потребни ножици, лепак, линијар за превиткувањето, обично пенкало и вашите инструкции. Потоа, само следете ги испрекинатите линии за ножиците, наборите, како и точките каде што треба да лепите за да започнете со составувањето.

Обновете го изгледот на вашиот дом со сопствени декорации за ентериерот коишто ќе ги изработите со помош на вашиот печатач PIXMA. Посетете ја веб-страницата Creative Park за да ја разгледате палетата евтини домашни додатоци коишто ќе ви ги разубават животниот простор и детските соби.

„Моделите од хартија ги користам за декорација, како на пример за украсување на домот или на телото, за изработка на накит, ѕидни украси или декорации за на маса“, вели Aimee.

Појдете до делот „Home and Living“ (Дом и живеење) на веб-страницата или апликацијата Creative Park за да го изберете, преземете и отпечатите саканиот шаблон. Од висечки играчки за детската соба, до ѕидни 3D-налепници, ѕидни скулптури и налепници за плочки, вашиот дом може да добие целосно нов изглед.

Дали имате збирка од семејни рецепти којашто чека да прерасне во прекрасна книга? Преточете ги омилените идеи за оброци во домашно отпечатена книга со рецепти, којашто можете да ја надополните со ваши фотографии доколку уживате во фотографирањето храна.

Фотографката на храна и пијалаци Natasha Alipour-Faridani, којашто живее и работи во Лондон, ги споделува своите најдобри совети за составување на вашата книга со рецепти и фотографии со помош на печатачот од серијата Canon PIXMA TS3350 и апликацијата Canon Easy-PhotoPrint Editor, којашто нуди креативни опции за изглед на книгите со рецепти.

„Сакав рецепти со храна во светли бои“, вели Natasha. „Ако храната изгледа безживотна, снимајте ја одозгора. Секогаш оставам нешто да излезе од кадарот на сликата - тоа може да биде само работ на чинијата, но тоа ја поткрепува идејата дека се одвива процес во сцената“.

Создадете уникатна книга којашто ќе му ја оставите некому во семејно наследство, ќе ја подарите на гурман или ќе ви служи како дневник со колажи од храната којашто сте ја вкусиле за време на вашите патувања.

„Празниците нудат многу можности за изработка на модели од хартија коишто секогаш се обоени со чувство на носталгија“, вели Aimee за забавните идеи за модели од хартија за настани како родендени, свадби, Велигден, Ноќта на вештерките и Божиќ. „Луѓето го сакаат елементот на носталгија, а празничните периоди во годината се навистина важни, особено по изминатите неколку години. Ги зближуваат луѓето.“

Отпечатете ваши „страшни“ ленти, хартиени фенери од тиква, картички за Ноќта на вештерките и маски за вештерки од апликацијата или веб-страницата Creative Park. Во овој водич за модели за Ноќта на вештерките што може да се печатат ќе ви покажеме дури и како да создадете свој дизајн за нокти за Ноќта на вештерките со помош на нашите налепници за нокти што може да се печатат, меѓу коишто ќе најдете и дизајн со духови. Можете да се обидете да си направите и свои хартиени декорации за на маса или венци за Ноќта на вештерките за да го доловите морничавото расположение на празникот.

За повеќе идеи за модели од хартија, следете нѐ на Pinterest и споделете ги вашите изработки на социјалните медиуми со користење на хаштагот #MadeWithPIXMA.



Напишано од Lorna Dockerill