ФОТОГРАФИРАЊЕ ПОРТРЕТИ

Како да снимате извонредни групни портрети

Четири амбасадори на Canon ги споделуваат своите совети за снимање секакви видови на групни портрети, од семејни и свадбени прослави до спортски настани.
Групен портрет од невеста и девериците како позираат покрај свадбена торта на неколку ката.

Посебните пригоди како свадби, спортски настани и семејни прослави нудат одлични можности за снимање групни портрети од пријателите и саканите во коишто ќе можеме долго да уживаме.

Сепак, снимањето добри групни фотографии е посебна уметност. Кога фотографирате неколку луѓе, треба брзо да одлучите каде ќе ги поставите и точно да им објасните што очекувате од нив. Тоа значи дека веќе треба да ги владеете основите на групниот портрет.

Некои совети се универзални. Без разлика каков групен портрет снимате, субјектите треба да имаат убав израз на лицата, фотографијата да е добро обликувана и со добра експозиција, а позадината не треба да е натрупана или да го одвлекува вниманието.

Осветлувањето е секогаш важно. На пример, ако снимате надвор, на сончев ден, одберете место со сенка над субјектите за да не мижат кога гледаат во фотоапаратот.

Со користење на фотоапарат со електронски визир, како EOS RP од Canon или EOS R6 од Canon, ќе можете да ги гледате фотографиите додека ги снимате и да ја прилагодувате експозицијата, а екранот со променлив агол ќе ви овозможи да снимате од различен агол од креативни или практични причини.

Кога снимате внатре и ја користите природната светлина, препорачливо е да користите брз објектив, како што е RF 50mm F1.8 STM од Canon. Доколку снимате голема група на луѓе во тесен простор, за да создадете добра фотографија, користете го објективот со извонредно широк агол, RF 16mm F2.8 STM од Canon.

Тука, четири амбасадори на Canon, секој со огромно искуство во своето поле, ги споделуваат своите најважни совети за снимање одлични групни фотографии во секаква ситуација.

1. Семејни групни портрети

Црно-бела слика од семејство на плажа. Таткото го крева детето во воздухот, а сите тројца се прикажани како силуети наспроти сонцето.

„Кога семејството оди или трча кон вас, внесувате динамика во групната фотографија, а и децата обожаваат да трчаат“, вели фотографката на семејни фотографии Helen Bartlett. Или, пак, претворете го фотографирањето во игра и забавувајте се.“ Фотографирано со EOS-1D X Mark II од Canon (којшто е сега заменет со новиот EOS-1D X Mark III од Canon) и објектив EF 24-70mm f/2.8L II USM од Canon, со избрани 24 mm, 1/5000 сек., f/2,8 и ISO 200. © Helen Bartlett

Црно-бел групен портрет од семејство коешто позира надвор, при што родителите клечат, а двете деца се потпираат на рамената на родителите.

На фотографијата родителите се седнати подолу од децата, што претставува техника за обликување на кадарот со којашто лицата на сите субјекти се поставуваат во иста висина. Фотографирано со EOS-1D X од Canon (којшто е сега заменет со новиот EOS-1D X Mark III од Canon) и објектив EF 50mm f/1.2L USM од Canon, со избрани 1/100 сек., f/5 и ISO 1000. © Helen Bartlett

Фотографирањето групи луѓе е дел од секојдневната работа на Helen Bartlett, една од најдобрите фотографки на семејна фотографија во Обединетото Кралство. „Во групните фотографии, доколку е можно, наместете ги луѓето да варираат во висина и положба за да создадете интересна композиција и убава рамнотежа“, вели таа.

„Препорачувам да започнете да снимате додека сите гледаат во фотоапаратот, а потоа да почекате да се развие дејството. Најчесто, најдобра е фотографијата по официјалната фотографија, кога роднините ќе се завртат едни кон други и ќе започнат да си муабетат и да се смеат.“

Ако снимате во градина или во парк, Helen препорачува да ги групирате субјектите околу предметите во околината. На пример, паднато дрво може да послужи како интересен реквизит на којшто ќе се качуваат децата.

„Ако снимате внатре, обрнете внимание на светлината и обидете се да го поставите целото семејство кон прозорецот за лицата да им бидат подеднакво осветлени“, продолжува Helen. „Кога работите во тесен простор и фотографирате мали деца, родителите нека ги земат децата во раце за да не можат да се шетаат, а сите глави нека бидат во иста висина.

„Ако го седнете семејството на кауч, малите деца може да седат во скутот на родителите. Поголемите деца можете да ги распоредите на потпирачите за рацете или потпирачот за грбот од каучот за да ја разиграте композицијата.“

На крајот, ако сакате да снимате спонтани семејни фотографии на настани како детски забави или семејни собири со користење на најновата технологија, ви го препорачувам PowerShot PX од Canon. Паметниот фотоапарат користи технологија за препознавање на сликата и автоматско обликување за да можете непречено да уживате во настанот.

2. Свадбени групни портрети

Групен портрет од три жени облечени во традиционална индиска носија во светли бои, со к’на и многу бразлетни на рацете, како стојат пред цветен аранжман.

За да не мижат на сликите, фотографот на свадби Sanjay Jogia им вели на моделите да ги затворат очите. „Потоа им велам: ‘Штом ќе избројам од три до еден, отворете ги очите.’ Снимам три фотографии на растојание од половина секунда.“ Снимено со EOS-1D X Mark II од Canon и објектив EF 24-70mm f/2.8L II USM од Canon, со избрани 24 mm, 1/1000 сек., f/3,5 и ISO 320. © Sanjay Jogia

Голема група роднини облечени во формална облека позираат во соба со придушено светло и златни лустери.

Sanjay не користи широки решетки за снимање на групните фотографии бидејќи сака сите субјекти да бидат во фокус. „Најчесто не ризикувам и не користам помала решетка од f/8 при фотографирањето групни портрети, дури ни кога снимам надвор и субјектите се распоредени во еден ред, бидејќи така се доловуваат повеќе детали во позадината“, објаснува. Снимено со EOS 5DS R од Canon и објектив EF 24-70mm f/2.8L II USM од Canon, со избрани 44 mm, 1/200 сек., f/8 и ISO 200. © Sanjay Jogia

Sanjay Jogia фотографира свадби од 2008 г. и специјалност му се индиски свадби и свадби на егзотични локации низ светот. Иако официјалните свадбени фотографии најчесто ги снима професионален фотограф, тој споделува совети за оние коишто сакаат самите да снимат групни фотографии.

„За да избегнете осветлување со силен контраст, ви препорачувам да ја поставите групата под сенката на големо дрво или голема зграда со убава позадина“, вели Sanjay. „Не доближувајте ги луѓето до ѕид, туку оставете простор помеѓу субјектите и позадината за фокусот да биде на луѓето.“

Фотографиите на Sanjay се претежно исполнети со луѓе коишто не се збиени еден до друг и на позадината нема пречки. Ако невестата и младоженецот се на сликата, ги поставува во центарот.

„Ги поставувам невестата и младоженецот во една положба, а ги разместувам луѓето околу нив“, вели тој. „Ако групата стои, се обидувам да ги поставам во еден ред со еднаков број луѓе од секоја страна и сите да бидат свртени кон невестата и младоженецот и да се доближени еден до друг за групата да зазема што е можно помал простор.“

3. Портрети на спортски тимови

Групен портрет од австралиски крикет-тим облечен во жолта и зелена боја.

„Обрнете внимание на светлото“, вели главниот фотограф за спортски настани Marc Aspland. Бидејќи честопати тимовите ги фотографираме набрзина, ќе снимиме многу подобри фотографии ако умееме да ја одбереме најдобрата светлина. За рамномерно осветлување, секогаш претпочитам субјектот да е осветлен одзади наместо со директна сончева светлина.“ © Marc Aspland

Marc Aspland е главен фотограф за спортски настани за весникот „The Times“. Претежно е фокусиран на снимање акција, но снима и групни фотографии. „Усогласена, уредна и прецизна фотографија од тимот е секогаш подобра од спонтана групна фотографија“, вели тој.

На пример, ако фотографирате фудбалски тим, Marc препорачува да го распоредите тимот во два реда, со тоа што играчите од задниот ред ќе стојат, а играчите од предниот ред ќе клечат и ќе ја постават едната рака на колената или ќе ги прекрстат рацете. Капитенот треба да стои во средина на задниот ред, а тренерот треба да стои отстрана. Покрај тоа, се препорачува да фотографирате со низок агол, во речиси иста висина со главите на луѓето во предниот ред.

Објектив со широкоаголен до среден телефото опсег на зумирање, како EF-S 18-55mm f/3.5-5.6 IS STM од Canon, ќе го опфати целиот тим во кадарот и ќе ви овозможи флексибилност при обликувањето. „Тимот треба да точно да се совпаѓа со димензиите на вашиот DSLR-визир“, продолжува Marc. „Не ви е потребна голема брзина на блендата, но важно е да постигнете соодветна длабочина на полето за да ги фокусирате и предниот и задниот ред. Решетка од /5,6 или f/8 ќе ви овозможи добра дефиниција.“

Ако нешто ѝ го одвлекува вниманието на групата, замавнете со раката или викнете им за да гледаат директно во вас. „Внимавајте некој од играчите да не му прави ‘уши’ на играчот до него“, додава Marc.

4. Групни портрети од областа на модата

Црно-бел групен портрет од три млади жени коишто седат на хауба од кола пред живописно езеро.

На сликата снимена од фотографката Julie Pike е прикажана норвешката поп-ѕвезда Aurora (централно) и двете сестри. „Намерно предложив да снимаме во нивната родна куќа бидејќи знаев дека таму ќе се чувствуваат удобно“, вели таа. Снимено со EOS 5D Mark III од Canon (којшто е сега заменет со EOS 5D Mark IV од Canon) и објектив EF 24-105mm f/4L IS USM од Canon (којшто сега е заменет со EF 24-105mm f/4L IS II USM), со избрани 105 mm, 1/400 сек., f/9 и ISO 500. © Julie Pike

Три млади жени во летна облека пешачат низ шума, а сонцето грее низ дрвата. Едната од жените ги крева рацете во воздух.

Julie вели дека за да снимите моќни фотографии, мора вистински да им обрнете внимание на субјектите. „Следете ги како се движат и како се однесуваат“, вели таа. „Обидете се да се поврзете со нив наместо да биде отсечени зад фотоапаратот бидејќи така ќе создадете бариера помеѓу вас и луѓето коишто ги фотографирате.“ Снимено со EOS 5D Mark III од Canon и објектив EF 24-105mm f/4L IS USM од Canon, со избрани 24 mm, 1/200 сек, f/7,1 и ISO 320. © Julie Pike

Julie Pike е фотографка за мода којашто работи во Осло, Норвешка, и снима магични, спонтани фотографии за големи брендови и списанија. Ако сакате да фотографирате мала група луѓе на тема мода или животен стил, таа советува да изберете локација како градина или куќа каде што сите ќе се чувствуваат пријатно. Таа исто така препорачува да користите еден објектив за зумирање за да не губите време на менување на објективите.

„На почетокот на снимањето, прошетајте и поразговарајте со групата за да ја опуштите“, вели таа. „Секогаш најпрво зборувам со луѓето. Попрво би разговарала со нив 15 минути, а би фотографирала пет, отколку обратно. Фотоапаратот нека ви биде постојано подготвен. Кога сите ќе се опуштат, започнете да фотографирате.“

Ако фотографирате три модели и сакате сите три да бидат во фокус, Julie препорачува да снимате со f/8 или f/11 и со брзина на блендата од најмалку 1/250 сек. ако моделите се движат. При снимање во услови на слаба осветленост, фотоапаратите како EOS RP од Canon или EOS R6 од Canon ви овозможуваат да снимате со повисоки поставки за ISO без да треба да користите блиц. „Фотоапаратите се сега толку добри што можете да користите доста високи вредности за ISO, а сликата да изгледа супер“, вели таа.

Кога Julie ги снима своите фотографии од областа на модата, им кажува на моделите да си замислат дека снима видеоприказ и постојано да се движат, наместо да ја чекаат следната фотографија. „Не треба постојано да гледаат во фотоапаратот“, вели таа. „Подобро е да ме погледнат кога ќе им кажам. Сакам да заборават на фотоапаратот.“

На следниот настан со семејството или пријателите, соберете ги сите и снимете јасен и прекрасен семеен групен портрет.

Напишано од David Clark

Слични производи

  • Фотоапарати без огледало

    EOS R8

    Преминете на фотографии и видеозаписи во формат за целосна слика и остварете ги вашите креативни амбиции.
  • Објективи RF

    RF 35mm F1.8 MACRO IS STM

    Макро објектив f/1,8 од 35 mm со брза решетка за широкоаголна перспектива, кратко растојание на фокусирање и хибридна стабилизација на слика.
  • Широкоаголен примарен објектив

    RF 24mm F1.8 MACRO IS STM

    Компактен и лесен примарен објектив од 24 mm што е идеален за фотографирање пејзажи, снимање видеоблогови и ентериери, но и за снимање одлични макро слики.
  • Фотоапарати без огледало

    EOS RP

    Мал, лесен и интуитивен фотоапарат без огледало за целосна слика што е дизајниран за секојдневно фотографирање и фотографирање при патувања.
  • Фотоапарати без огледало

    EOS R6

    Без разлика што фотографирате и како фотографирате, EOS R6 ќе ви овозможи да бидете креативни на начини што никогаш досега не сте знаеле дека постојат.
  • Стандарден објектив

    RF 50mm F1.8 STM

    Компактен, тивок и лесен примарен RF-објектив од 50 mm, со широка решетка од f/1,8, што е совршен за реализирање на вашата креативна замисла.
  • Широкоаголен објектив

    RF 16mm F2.8 STM

    Компактен, достапен и извонредно широкоаголен објектив за целосна слика со фокусна должина од 16 mm што е наменет за серијата EOS R и дизајниран за видеоблогери и креатори на креативни содржини.
  • Компактни дигитални

    PowerShot PX

    Снимете ги најдрагоцените моменти во животот автоматски со помош на оваа паметна камера што препознава лица и може да се поврзе со вашиот паметен уред.

Слични статии

  • ФОТОГРАФИРАЊЕ ЗАБАВИ

    Најдобри совети за снимање одлични фотографии од забави

    Доловете неверојатни фотографии од забави со овие лесни совети и техники.

  • ФОТОГРАФИРАЊЕ ПОРТРЕТИ

    Како да доловите совршени тонови на кожата на вашите портрети

    Совладајте ја сложената уметност за доловување природни тонови на кожата со модниот професионалец Jade Keshia Gordon.

  • ФОТОГРАФИРАЊЕ ПОРТРЕТИ

    Совети за фотографирање портрети

    Подобрете го вашето фотографирање портрети со овие врвни совети и техники.

  • СЕМЕЈНО ФОТОГРАФИРАЊЕ

    Снимете подобри божиќни фотографии оваа година

    Фотографот Lena Petrova дава совети за подобрување на вашите празнични фотографии.