Кога ќе падне мрак: фотографирање диви животни навечер

Фотографирањето диви животни навечер е извонредна можност да го доловите скриениот живот на животните кои најчесто не се видливи додека грее сонцето - а не мора да одите во амазонските прашуми или во Serengeti за да го сторите тоа. Всушност, локалниот пристап може да понуди извонредни слики и да му го приближи ова поле на секој кој има време, опрема и трпение.

Тука, Амбасадорот на Canon и добитникот на наградата Young Wildlife Photographer of the Year за 2014 година, Marc Albiac, ги споделува своите најдобри совети за фотографирање диви животни при слаба осветленост, токму на вашиот праг.

Marc смета дека фотографирањето во вашата локална област треба да ви претставува можност целосно да се задлабочите. Не е тајна дека најдобрите резултати во ова поле најчесто ги постигнуваат професионалците кои минуваат месеци на локациите, така што третирајте ја и вашата локална област на овој начин. Пристапот нека ви биде сериозен и ќе добиете одлични резултати.

За Marc, најважно е да го извлечете максимумот од вашата локална област. „Веројатно ќе имате повеќе време и подобра претстава за овие животни, отколку ако поминете една недела во Африка фотографирајќи слонови.“

Marc објаснува дека оние кои сакаат предизвик може да научат како се однесуваат локалните диви животни, каде се движат одредени видови животни и по кои патеки се движат низ градовите и шумите. „Истражувањето на животните што сакате да ги фотографирате е подеднакво важно како и ракувањето со опремата,“ вели тој.

Marc вели дека неговата фасцинираност од цицачите како тинејџер го привлекла кон ноќното фотографирање. „Почнав да фотографирам диви животни на возраст од седум години. Но, дури на 14 или 15 години почнав да ги фотографирам дивите животни навечер. Многу бев заинтересиран за цицачите - мора да ги начекате ноќе бидејќи тогаш излегуваат од своите скривалишта!“

Marc често црпи идеи и замисли од другите прославени фотографи. „Добивам многу инспирација од натпреварите и наградите и се задлабочувам во профилите на уметниците,“ вели тој, „особено Wildlife Photographer of the Year во Лондон, Англија.“

Следниот чекор е да се пронајде вистинската локација. Користете го вашето локално знаење за да ги пронајдете веројатните места на кои може да се пронајде вашето животно и постојано враќајте се на нив. „Одете таму секој ден, бидејќи првиот пат можеби нема да видите знаци дека животните се таму,“ објаснува Marc. „Но, најчесто ако одите три дена по ред, ќе забележите нешто.“

Откако ќе ја пронајдете локацијата, треба да размислите за осветлувањето. „Ако сакате да го осветлите само животното, тогаш треба да фотографирате со брзина на блендата од приближно 1/100,“ вели Marc. „Но, ако сакате да доловите и дел од опкружувањето, треба да го поставите фотоапаратот на долга експозиција.“

Експериментирањето со подолги брзини на бленда не мора да биде само практичен избор. Ако се наоѓате во град во кој има многу сообраќај, или ако имате светилка при рака, тоа може да биде одлична можност за експериментирање со светлосни траги.

„Ако користите природно осветлување или континуиран извор на светлина, тогаш треба да користите подолги брзини на блендата и најшироки можни вредности на решетката од кои не би се загрозил квалитетот,“ вели Marc. „Ако користите вештачко осветлување, може да го поставите фотоапаратот на 1/100. Во најмала рака, вредноста мора да биде пониска од 1/250 за да има синхронизираност со блицот.“

Објектив како RF 50mm F1.8 STM од Canon има широк отвор на блендата што е идеален за ваков вид фотографирање.

Едно од омилените парчиња опрема на Marc е придушувачот, особено кога станува збор за макро фотографирањето. „Кога фотографирам жаби или гуштери, нивната кожа може да биде влажна од околината,“ објаснува тој. „Тоа може да создаде неприродна рефлексија, така што добро е да носите придушувач за да ја омекнете светлината.“

„Кога станува збор за придушувачите, колку поголемо, толку подобро, но бидејќи се работеше за макро фотографирање, а конкретните животни се мали, не ви треба многу голем придушувач,“ вели тој.

Ако немате при рака, можете и да импровизирате и да користите некој друг предмет како придушувач или, пак, да го изработите од хартија во домот. „Јас набавив еден онлајн пред неколку години, но понекогаш кога не го носам, ги користев фолиите што ги поставуваме во автомобилите за да ја блокираме сончевата светлост налето. Важно е да ја омекнете светлината од блицот, така што ви треба нешто што ја проширува светлината,“ објаснува Marc.

Marc вели дека фотографирањето помали животни е полесно отколку фотографирањето поголеми цицачи. „Мислам дека тоа е лесен вовед во фотографирањето диви животни, бидејќи може да го изведете само со макро објектив, фотоапарат и еден блиц,“ вели тој.

Оваа едноставна комбинација им одговара и на надежниот фотограф на диви животни и на самите животни. За ваков вид фотографирање, Marc користи едноставен блиц и EOS R6 од Canon, EF 100mm f/2.8 Macro USM од Canon и адаптер за монтирање објективи EF-EOS R.

„Кога работам макро фотографирање, со себе ја носам само најосновната потребна опрема,“ вели тој. „Сакам колку што е можно пократко да се задржам во просторот на животните - тоа е подобро за нив, но и за снимање природна фотографија.“

На оние кои навистина сакаат да ги надминат границите на својата креативност, Marc им советува да фотографираат помали животни со широкоаголен објектив. Тој се одлучува за EF 16-35mm F2.8 III USM од Canon, поради широкиот отвор на блендата што е погоден за услови на слабо осветлување, но може да се обидете и со RF 35mm F1.8 MACRO IS STM од Canon. Благодарение на неговата лесна конструкција, широкиот отвор на блендата f/1,8 и макро зголемувањето до 1:2, тој е совршена алатка за фотографирање одблиску.

„Мора да ги имате предвид сите нешта што се појавуваат во сцената,“ објаснува Marc. „Тоа е поголем предизвик, но мислам дека е убаво да се долови и живеалиштето на животните.“

За широкоаголниот пристап потребно е повеќе осветлување. „Ако ја осветлите само жабата како што би сториле во макро стилот, тогаш остатокот од сцената ќе биде мрачен,“ вели Marc. „Ќе треба да осветлите повеќе области, како на пример некое дрво, или, пак, ќе треба да користите долга експозиција за подобро да ја искористите природната светлина.“

Кога ќе се навикнете да работите со помалите животни со кои полесно може да се справите, може да размислувате за префрлување на поголеми ноќни животни. „Прво нешто што треба да го знаете е локацијата - каде ќе се појави животното? Како може да ја осветлите сцената за да го доловите движењето? Што мислите дека ќе направи животното?“ прашува Marc. Откако ќе добиете претстава како животното може да се однесува во тој простор, можете само да се подготвите и да се погрижите опремата и поставките да ви бидат соодветни.

За Marc, избирањето на вистинскиот фотоапарат е клучно, а EOS R6 од Canon е совршен партнер како повеќенаменска опција за фотографирање во услови на слабо осветлување. Благодарение на револуционерниот Автоматски фокус со следење очи (AF), EOS R6 може да ги препознава и следи субјектите со нови нивоа на прецизност, така што дури и ако субјектот се движи, како на пример птица во лет, сè уште може да добиете остра слика. Вградената Стабилизација на слика (IBIS) исто така во најголем дел ја елиминира потребата од статив, со што му овозможува на Marc да има мал, поедноставен систем на опрема.

„IBIS во EOS R6 го прави фотоапаратот идеален за фотографирање диви животни ноќе, бидејќи ви овозможува да фотографирате при слаба осветленост и мали брзини на блендата,“ вели тој. „На пример, кога ќе пешачите за да фотографирате, може да видите како дишењето влијае на начинот на кој го држите фотоапаратот. Ако не сте мирни и фотографирате во темнина со многу мала брзина на блендата, тогаш IBIS е неверојатно корисна.“

Покрај стабилноста, можноста за фотографирање со високи вредности за ISO, при што сепак се добиваат јасни слики, исто така го прави EOS R6 очигледен избор на фотоапарат за Marc. „Неверојатно е - не користам вредности за ISO помали од 6400 и секогаш добивам совршени резултати! Ако имам таква потреба, можам да ги зголемам и до 8000,“ завршува тој.

Кои се најдобрите објективи за фотографирање диви животни? Објективите како што е RF 50mm F1.2L USM од Canon - кој нуди одлични перформанси при слаба осветленост - добро се комбинира со EOS R6 од Canon за снимање природни фотографии.

Фотографирањето диви животни при слаба осветленост ви овозможува да доловите цел нов свет на животинско однесување и може да произведе впечатливи и возбудливи слики. Користете ги советите на Marc за да видите што може да фотографирате во вашата локална област.



Напишано од Jack Fittes