Како четири професионални фотографи и креатори на содржини постигнаа успех со EOS R-системот

На многумина од денешните најпознати фотографи и креатори на содржини, надградбата на својата опрема со Canon EOS R-системот им го промени животот. Пуштена во продажба во 2018 година, палетата на RF-објективи и фотоапарати без огледало со EOS R-систем продолжува да се зголемува. Тоа значи дека во секое време може да најдете совршен модел за да направите надградба на својата опрема, почнувајќи од компактниот Canon EOS R100 со APS-C-сензор па сè до EOS R6 Mark II - хибриден и моќен фотоапарат со сензор за целосна слика.

Тука, четири професионални фотографи споделуваат како напредувале во своите кариери и како ги подобриле своите вештини со тоа што преминале на EOS R-системот. Секој од фотографите е уникатен и специјализира во различни области, но опремата со EOS R-систем нуди спој од технологија и практично користење и им ги нуди сите потребни функции за да напредуваат и да успеат.

Verity Milligan од Обединетото Кралство е најпозната по фотографирање амбиентални пејзажи. По четири продуктивни години со својот Canon EOS 5D Mark IV, таа премина на EOS R-системот. „Поради достапните адаптери, изборот да преминам на EOS R5 беше очигледен“ - вели таа. „Автоматскиот фокус овозможува непречено поставување на фотоапаратот, независно каква е задачата за денот. Ова е особено важно за фотографирање луѓе. Режимот за AF со откривање и следење лица е еден од моите најомилени режими“.

Verity секогаш бара прекрасни кадри, а функцијата на EOS R5 што најмногу ја користи е LCD-екранот на допир со 2,1 милиони точки и променлив агол. „Можноста за вртење, ротирање или манипулација на екранот во секој агол што ми е потребен е неверојатно практична, и фактор што ми го подобри доживувањето при фотографирањето“ - вели таа.

Таа не одолеа ниту на изборот на RF-објективи. „Објективот што промени сè е Canon RF 28-70mm F2L USM. Фиксната решетка и можноста за фотографирање со f/2 низ целиот опсег практично ги заменија сите примарни објективи EF што ги имав“. Verity сега сака да го набави објективот Canon RF 70-200mm F2.8L IS USM. Освен тоа, со додавање на објективот Canon RF 15-35MM F2.8L IS USM во нејзината торба со опрема ќе може да го зголеми опсегот на фокусни должини во двете насоки.

Diana Millos, која често патува и снима содржини од луксузни патувања, има потреба од пренослив фотоапарат. Таа премина на Canon EOS R10 во 2022 година поради неговата компактна големина и брз автоматски фокус. „Добивав одлични резултати со Canon EOS 7D Mark II, но не можев толку лесно и брзо да ги снимам сите фотографии со совршен фокус како со EOS R10“ - споделува таа. „Опседната сум со технологијата за откривање очи и веќе не можам да живеам без неа“.

EOS R10 располага со истиот систем Dual Pixel CMOS AF II како и повисоките класи на фотоапарати со EOS R-систем, како што е EOS R3. Фотоапаратот може да фокусира дури до -4 EV, што ѝ овозможува на Diana да снима остри слики при слаба светлина. „Кога снимате фотографии од изгрејсонце до зајдисонце и истражувате со часови, идеално е да имате лесна опрема“ - вели таа. „EOS R10 можам да го носам во рачна торба и ми овозможува да бидам дискретна, за луѓето да не приметат дека снимам неверојатни фотографии со толку мал фотоапарат“.

Diana сака да снима со широкоаголна перспектива и не беше потребно да ги менува своите EF-објективи кога ја надгради опремата. „Сè уште можам да ги користам моите објективи Canon EF 50mm f/1.8 STM и Canon EF-S 10-18mm f/4.5-5.6 IS STM со мојот EOS R10 преку адаптерот за монтирање објективи EF-EOS R од Canon, и тие функционираат совршено“ - вели таа. Ако барате RF-еквиваленти на овие објективи, тогаш може да изберете помеѓу Canon RF 50mm F1.8 STM и Canon RF-S 10-18mm F4.5-6.3 IS STM. Diana засега има само еден RF-објектив - стандардниот објектив Canon RF-S 18-45mm F4.5-6.3 IS STM - но користела и други RF-објективи додека патувала и фотографирала низ Севиља и вели дека ѝ се допаѓа колку се остри фотографиите.

EOS R10 може да проследува кон интернет во живо, особено на YouTube, а снимањето видеосодржини е уште еден начин на кој Diana го зголеми бројот на своите следбеници. „Ми овозможи да снимам во HD и во 4K со неверојатни резултати“ - вели таа. „Им го препорачувам на сите креатори на содржини. Следно сакам да го набавам Canon EOS R6 Mark II поради неговите перформанси за целосна слика“.

EOS R50 е уште една одлична опција ако сакате да снимате висококвалитетни видеозаписи за вашите социјални медиуми. Дознајте кои се најголемите разлики помеѓу EOS R50 и EOS R10 во нашиот практичен водич што ќе ви помогне да донесете правилна одлука.

Andres McNeill, кој живее во Глазгов во Шкотска, снима рекламни содржини, портрети и спортови, но сака и улично фотографирање при што користи прекрасна архитектура како заднина. Тој има драги спомени од фотографирање со стар Canon DSLR-фотоапарат од некој негов пријател и му се допаднале изгледот и начинот на користење на фотоапаратот. „Canon EOS 400D ми беше првиот фотоапарат, го носев секаде со мене и учев како да фотографирам“ - споделува тој. „Canon EOS M50 ми се допадна поради неговите уште помали димензии, одличен автоматски фокус и извонреден квалитет за снимање видео“.

Andres премина на Canon EOS R-системот кога одлучи да стане професионалец. Неговите Canon EOS R5 и Canon EOS R6 со сензор за целосна слика веднаш му овозможија да се фокусира на осветлувањето и кадарот. „Можноста за следење на очите и лицата на субјектите од другата страна на улицата е извонредно подобрување, бидејќи ми овозможува да се концентрирам на други аспекти на фотографирањето“ - вели тој. „Сигурниот автоматски фокус и големите брзини за секвенцијално фотографирање се задолжителни кога работите со професионални спортисти“.

И двата фотоапарати нудат вградена стабилизација на слика (IBIS) со 5 оски - со максимум 8 чекори ако користите компатибилни објективи - што му овозможува на Andres да работи во недоволно осветлени простории без статив. „Рачното улично фотографирање со помали брзини на блендата е неверојатно“ - вели тој.

Andres има по неколку објективи RF и EF, но полека преминува целосно на RF-модели. „Ми се допаѓаат малите димензии на објективот Canon RF 50mm F1.8 STM, бидејќи се совршени за улично фотографирање, а брзата решетка f/1,8 е одлична за ситуации со слаба осветленост, особено кога фотографирам во самрак или во текот на ноќта“ - објаснува тој. „Другиот објектив што го користам е Canon RF 24-105mm F4-7.1 IS STM, што е одличен објектив за секаква намена. Тој е многу практичен и има опсег од 24 mm па сè до 105 mm, што е особено добро за улично фотографирање, бидејќи не е лоша идеја да снимате широкоаголни слики, а потоа да ја зумирате истата сцена и да доловите поинаков изглед“. Исто така, Andres го користи и објективот Canon RF 100mm F2.8L MACRO IS USM, за кој вели дека нуди неверојатно остри резултати. „Ова ми е омилен објектив за фотографирање производи и професионални сесии во кои се потребни многу детали“ - додава тој.

Но, Andres вели дека најмногу го користи објективот Canon RF 24-70MM F2.8L IS USM. „Го користам за настани, свадби и улично фотографирање“ - вели тој. „Фокусниот опсег од 24-70 mm и брзата решетка f/2,8 се најдобра комбинација“.

Режисерот, видеографот и фотографот Chris Priestley од Лондон снима висококвалитетни содржини за социјалните медиуми и брендови низ целиот свет. Тој постојано ги подобрува своите содржини и ја надградува својата опрема за фотографирање. „Мојата опрема ми помага да добијам високобуџетни резултати“ - вели тој.

Како што напредувала кариерата на Chris, така се зголемувале и потребите на неговите клиенти. „Постојано бараа од мене да снимам 4K-видеозаписи и слики со повисок квалитет за печатење откако EOS R5 беше пуштен во продажба“ - вели тој, „што значи дека дојде совршен момент за надградба на опремата“.

Тој често снима фотографии и видеозаписи наизменично, а хибридниот EOS R5 нуди ненадминати перформанси и во двете категории. „EOS R5 може да снима со резолуција до 8K 30p - сè уште немам потреба да ја користам таа резолуција, но затоа редовно ја користам резолуцијата 4K 120p во формат за целосна слика“ - вели тој.

Сензорот со 45 MP на EOS R5 нуди огромни придобивки и е двојно поголем од сензорот на неговиот претходен DSLR-фотоапарат. „Во ситуации кога не можам да го контролирам субјектот, не секогаш имам можност да го обликувам кадарот совршено“ - продолжува тој. „Поголемата резолуција ми овозможува да го прилагодам кадарот на моите снимки при обработката по снимањето и да испорачам висококвалитетни слики“.

Canon EOS R-системот за многумина одново го дефинираше значењето да се биде фотограф и креатор на содржини. Нудејќи достапни модели за почетници па сè до моќни уреди од висока класа, како и оптика што е водечка во индустријата, системот може да напредува паралелно со вас - независно дали за прв пат снимате видеоблогови или се обидувате да влезете во светот за професионално фотографирање и барате објектив за постојана употреба.