КРЕАТИВНО ПЕЧАТЕЊЕ
Ако имате слика или дизајн што ви се допаѓа, лесно ќе можете да го нанесете врз маичка, торба, перниче или каков било друг текстилен материјал со помош на хартиите од Canon за пренос на слики врз материјали со пеглање и компатибилен печатач PIXMA од Canon. Дали сте дел од спортски тим или сакате да отпечатите приспособена облека за одреден настан? Можеби сакате да изработите приспособени подароци за вашите пријатели или, пак, да направите ѕидни уметнички дела од текстил? Сè што ќе замислите ќе можете да го изработите. А ако ви требаат идеи, Creative Park ќе ви понуди многубројни возбудливи дизајни што ќе можете да ги преземете бесплатно.
Хартијата за пренос на слики врз материјали со пеглање е многу едноставна за употреба и брзо ќе се уверите дека многу работи изгледаат поубаво ако малку ги приспособите.
Ќе ви треба:
Хартиите од Canon за пренос на слики врз материјали со пеглање се достапни во A4-големина за да можете да изработувате големи дизајни. Ако вашите слики се помали, тогаш може да ставите повеќе слики во истиот документ распоредени како плочки за да можете најефикасно да ја искористите хартијата за пренос. Штом го подготвите вашиот дизајн, извршете ги овие едноставни чекори:
Изберете соодветна хартија за пренос. Достапни се две верзии, една за светли материјали и една за темни материјали, што значи дека независно дали ќе го префрлите вашиот дизајн врз темни завеси, светло перниче, тексас јакна или бела маичка, боите ќе изгледаат одлично и ќе бидат светли. И двете верзии најдобро се употребуваат врз природни материјали како памук.
Отпечатете го вашиот дизајн врз хартија за пренос. Може да печатите директно од вашиот компјутер или директно од вашиот паметен телефон или таблет-уред користејќи ја апликацијата Creative Park. Печатете на едноставен начин секогаш кога ќе ви дојде инспирација!
„Неотпечатените“ делови од хартијата за пренос ќе се прикажат на конечниот дизајн, па затоа земете остри ножици и внимателно отсечете околу сликата на хартијата за пренос за да добиете убава рамка или, пак, внимателно отсечете го отпечатениот дел, колку што е можно поблиску до рабовите.
Излупете ја задната страна на хартијата за пренос и позиционирајте го дизајнот врз вашиот материјал. Ако сакате да ја ставите сликата врз маичка, тогаш е пожелно прво да ја облечете и да се видите во огледало (или замолете некој да ви помогне со огледалото) за да утврдите која е најдобрата локација за вашиот дизајн. Ако користите повеќе мали дизајни и не сакате симетричен распоред, тогаш фрлете неколку коцки или монети врз материјалот за да им ја одредите положбата на дизајните по случаен избор.
Ставете го материјалот врз даска за пеглање со хартијата(ите) за пренос во избраната(ите) положба(и) и отстранете ги сите игли за прицврстување. Потоа, пронајдете го пергаментот што се испорачува со хартијата за пренос на слики врз материјали со пеглање и ставете го врз вашиот дизајн. Сега следи интересниот дел - преносот на вашиот дизајн врз материјалот. Поминете со пеглата врз пергаментот со еднаков притисок за да може дизајнот на хартијата за пренос да се соедини со материјалот. Откако вашите дизајни ќе се соединат со материјалот, ќе можете да ги перете во машина и често да ги употребувате.
Штом го изработите вашиот прв приспособен предмет, веднаш ќе почнете да ги согледувате можностите за приспособување на вашата гардероба или за разубавување на вашите додатоци за носење. Зошто не порачате повеќе хартија - можностите се бесконечни!
Зачекорете во модниот дизајн со хартијата за пренос на слики со пеглање од Canon. Таа е специјално дизајнирана за темни материјали и со неа може да ја разубавите вашата облека, торби и други додатоци со ваши фотографии.
Разбудете го модниот креатор во вас со практичната хартија за пренос на слики со пеглање од Canon што е специјално дизајнирана за материјали во светла боја. Од прилагодени торби до модерни маички - никогаш досега не било толку лесно да бидете креативни и да го менувате вашиот стил.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиКРЕАТИВНО ПЕЧАТЕЊЕ
Дознајте како да користите хартија, апликации и печатач од Canon за да го трансформирате вашиот дом и да ги разубавите сите предмети, почнувајќи од телефонот па сè до фрижидерот.
КРЕАТИВНО ПЕЧАТЕЊЕ
Разубавувањето на облеката или создавањето уметнички дела за на ѕид е едноставно со отпечатените шаблони за везење.
КРЕАТИВНО ОПУШТАЊЕ
Учествувајте во разговорот за менталното здравје со овие стилски и инспиративни дизајни.